Ólöf Sigursveinsdóttir er fædd í Reykjavík og ólst upp á Seltjarnarnesi. Hún er fædd inn í tónlistar fjölskyldu þar sem móður hennar er söngkona og faðir hennar hornleikari og hljómsveitarstjóri.  Hún varð heilluð af sellóinu fimm ára gömul og hlaut strax menntun í Tónskóla Sigursveins við Hellusund og við Tónlistarskólann í Reykjavík í Skipholti. Síðar helt hún  til náms í sellóleik við Tónlistarháskólann í Stuttgart og lauk Bachelor og Mastersgráðu hjá sellóleikaranum Hans Häublein með hæstu einkunn. Samhliða náminu sótti hún tæknitíma í hljómsveitarstjórn við sama skóla  og hóf að stjórna hljómsveit og kór í Þýskalandi 22 ára gömul. Hún hefur leikið sem sellóleikari í Sinfóníuhljómsveit Íslands, SinfoNord og Hljómsveit íslensku óperunnar og hefur verið virk í íslensku tónlistarlífi frá 2011 og leikið einleikskonserta með hljómsveitum.

Ólöf var barokksellóleikari Kammerhópsins ReykjavíkBarokk frá 2012-2022 og stofnmeðlimur. Hún leikur því jöfnum höndum forna og nýja tónlist. Sígildur tónlistarflutningur og möguleikar á áhugaverðum viðburðum, sérstaklega í dreifðum byggðum, er Ólöfu hugleikið og þar með möguleikar  á tónlistarflutningi á landsbyggðinni og aðgangur í heimabyggð að verkum tónbókmenntanna. Háskólagráða hennar í tónlistarfjölmiðlun fær hana til að taka óvænta listræna snúninga sem geta gert tónleika Ólafar þess virði að heimsækja.